بحلم وبحلم وبحلم زى كل الناس بحلم ان ده حلم
ان كل حياتى مجرد حلم
كل ده عدم
كل ده لا شىء
ديه مش حياتى
ولا انا محمد
ولا الناس ديه اصحابى ولا اهلى ولا ده شعبى
ولا شربت من نيلها ولا حتى فكرت اغنيلها
انا لسه مشفتش حد
ولا شوفت اوباما وهو بيقول نحن نؤمن بالتغير
ولا شوفت بوش وهو بيطيح فى الغير
ولا شوفت شعب خايف وجبان
ولا شوفت ناس بتضرب وبتتهان
ولا شوفت شيوخ بيدلونا للغلط
علشان نصبح امه عاوزه ولد
ولا شوفت حد يقولى اللى تعرفه احسن من اللى متعرفوش
ولا حد يقولى متفكرش فى اللى متفهموش
انا لسه جنين فى رحم امى بحلم بالحياه اللى هشوفها لما اخرج للدنيا المجنونه
ولا اعرف خير ولا اعرف شر
لسه محدش دلنى على اى بر
ولسه هحلم وهحلم تانى حياه تانيه وطن تانى وزمن تانى
مع شعب بيحقق الامانى
وهصحى وافوق بس لما اصحى هيكون وقت خروجى للدنيا
وهكون نسيت كل ده
وبداءت حياتى بالعد
عد تنازلى
بس هيكون وطن ايه ؟
شعب ايه
حياه ايه
بكره هعرف
بكره هعرف
No comments:
Post a Comment